کیا بڑا ہونا بہت مزے کی بات نہیں ہے؟ سونے کا کوئی وقت مقرر نہیں ہوتا، آپ جب چاہیں آئس کریم کھا سکتے ہیں، ہمیں دوستوں کے گھر رات رکنے کے لیے ماں باپ کی اِجازَت کی ضرورت نہیں رہتی وغیرہ وغیرہ۔ اِس کے علاوہ بہت سی آزادی کے ساتھ بہت سی ذمہ داری بھی آ جاتی ہے، جیسے کرایہ بھرنا، بجلی کا بل بھرنا… ہر چیز خود اپنے پیسوں سے خریدنا۔
مگر خوش رہیے کیوں کہ ہر چیز بری نہیں ہے۔ بڑے ہونے کی اچھی خصوصیات میں سے ایک آپ کا اپنے گھر کے اندازِ کے لیے خود ذمہ دار ہونا ہے۔ اور یہ بالکل نہ سوچیں کے گھر کی سجاوٹ کوئی مشکل کام ہے، کیوں کہ ہومی فائی ہمہ وقت ڈھیروں ڈھیر تجاویز کے ساتھ آپ کی خدمت میں موجود ہے۔ آج ہمارے پاس ایسی تمام چیزوں کی ایک فہرست ہے جو آپ کو نہیں کرنی چاہیئں یا آپ کو ان کے بارے میں ایک بار سوچنا ضرور چاہیے اگر آپ ۳۰ سال سے بڑے ہیں تو!
تو شروع کریں؟
صرف لوگوں کو دکھانے کے لیے فرش پر قالین نہ ڈالیں۔ ایک ایسا قالین چنیں جو آپ کے رہنے کے کمرے کو بناوٹ، رنگ اور ایک منفرد ڈیزائنعطا کرے۔ یہ کمرے کی سجاوٹ کو بلاشبہ چار چاند لگا دے گا۔
کیا آپ کا اپنا ٹی وی کسی بینچ، پرانی ٹیبل یا کسی کریٹ پر رکھا جانا چاہیے؟ ہرگز نہیں۔ اِس کے لیے کوئی بہتر انتخاب کریں جیسا کہ اسے دیوار میں لگوانا یا ایک خوبصورت ٹَرالی پر رکھنا جس میں سامان رکھنے کی جگہ بھی ہو۔ اگر چاہیں تو آپ اِس کو گھر سے نکال کر اپنا گھر کھلا بھی کر سکتے ہیں۔
بھئی آپ کو پکاسو کی اصلی تصویروں کی ضرورت نہیں ہے مگر برائے مہربانی دیواروں پر جو بھی لٹکائیں اسے ایک فریم میں مقید ضرور کریں چاہے وہ کسی بھی قسم کی تصویر کیوں نہ ہو۔
ایک تیز ، خراب اور غیر آرام دہ روشنی کو بھلا کیوں چنا جائے؟ نرم، نارنجی روشنیاں چنیے تا کہ ایک ذاتی اور آرام دہ ماحول بنایا جا سکے۔ یہ روشنیاں خوبصورتی میں بھی اضافہ کر دیتی ہیں۔ تو اور کیا چاہیے!
جب ہم عارضی فرنیچر کی بات کرتے ہیں تو اس سے مراد ایسا فرنیچر ہوتا ہے جو جگہ تو بہت گھیرے مگر جگہ کی خوبصورتی یا فعالیت بڑھانے میں اپنا کوئی کردار ادا نہ کرے۔
اب آپ بڑے ہو چکے ہیں، سو اِس امر کو یقینی بنائیں کہ آپ کے صوفے، میز، الماریاں اور باقی سارا سامان بھی آپ کے طرز زندگی سے مطابقت رکھتا ہو۔
آپ محنت کر رہے ہیں اور بوڑھے ہو رہے ہیں۔ کیوں نہ خود کو ایک آرام دہ بستر سے نوازا جائے؟
ہر روز اچھے سے بستر بنانا دن کے آغاز کا اچھا طریقہ ہے اور یہ آپ کی جسمانی اور ذہنی تندرستی کی بھی نشاندہی کرتا ہے۔ یقین کریں کہ ایک منظم ماحول اچھا محسوس کرنے اور کام پر توجہ دینے کے لیے لازمی ہے۔
جب تک آپ کسی پکنک پر نہیں جا رہے، پلاسٹک کے بَرتنوں کا آپ کے گھر میں کوئی کام نہیں۔
اگر آپ اس چمکدار اور شوخ رنگوں والے فریم سے چھٹکارا حاصل نہیں کرنا چاہتے جس پر بیسٹ فرینڈز لکھا ہے، تو اسے کسی اور جگہ پر منتقل کر دیں۔ رہنے کے کمرے کے لیے زیادہ نفیس انتخابات چنیں جیسا کہ لوہے کے فریم۔
وہ الگ الگ طرح کے گلاس شاید آپ کو اچھے وقتوں کی یاد دلاتے ہوں، مگر وہ سب کو دکھانے کے لیے سامنے نہ رکھیں۔ اب اب اُنہیں استعمال تو کرتے نہیں تو جگہ کو صاف اور نفیس رکھیں۔
پھول ، فنکارانہ ٹکڑے، کتابیں اور دوسرا سامان آپ کے گھر کے اندرونی حصے کی سجاوٹ میں معاون ثابت ہو سکتے ہیں۔ اِس قسم کی سجاوٹ پر کچھ خرچہ کریں تا کہ آپ کا کتابوں کا شیلف خالی خالی نہ لگے۔
نقلی پھول پودوں سے بچنے کی ہر ممکن کوشش کریں۔ اِس سے بہتر ہو گا کہ آپ ایسے اصلی پودے لے لیں جو گھر کے اندر رکھے جا سکتے ہوں اور اُنہیں زیادہ دیکھ بھال کی ضرورت نہ ہو۔
وہ ایک جیسے اور بیزار کن ہوتے ہیں۔ آپ اس سے بہتر کچھ کر سکتے ہیں۔ مختلف حجم، رنگوں اور بناوٹ کے کشن خریدیں۔
ہومی فائی کا اشارہ: عام صوفے کے لیے ۴۵ سینٹی میٹر چھوڑے کشن رکھیں، بڑے صوفے کے لیے ۶۰ سینٹی میٹر اور چھوٹے کے لیے ۴۰ سینٹی میٹر چوڑائی کے کشن رکھیں۔
یہاں دیکھیے: آپ کے دو منزلہ گھر کے لیے ۱۵ خوبصورت بیرونی حصے۔