کم بجٹ میں گھر کی سجاوٹ

Resham Ejaz Resham Ejaz
homify Ruang Keluarga Modern
Loading admin actions …

گھر کے اندرونی حصے کی سجاوٹ آپ کے بجٹ پر ایک بڑی ضرب ثابت ہو سکتی ہے۔ جن لوگوں کو یہ کام پسند ہو ان کے لیے سجاوٹ کبھی ختم نہیں ہوتی، وہ ہر وقت کچھ نہ کچھ بہتر بنانے کے چکر میں رہتے ہیں اور بجٹ آسانی سے ہاتھ سے نکل جاتا ہے۔ ایک نیا پردہ یہاں، ایک فریم وہاں، بالکونی کے لیے بہترین پودے… . اور پیسے غائب! تو ہمارا آج کا مضمون آپ کو کم پیسوں میں گھر سجانے کی تراکیب دینے کے لیے وقف کیا گیا ہے۔ جہاں لوازمات کی ضرورت ہو صرف وہیں ان کا استعمال کریں اور آپ کا بجٹ کنٹرول کرنا آسان ہو جائے گا۔ اس کے علاوہ آپ کے پاس خاص آپ کی پسند کی سجاوٹ ہو گی جو آپ کو اور کسی گھر میں نہیں ملے گی۔ کیا آپ جاننا چاہتے ہیں کہ آپ کو کیا اور کیسے کرنا ہے؟ تو ہمارے ساتھ چلیے اور تمام تراکیب حاصل کیجیے۔

دیوار پر لگے چھلے

یہ چھلے جو ہم پس منظر میں دیکھ رہے ہیں، یہ آرٹ کا ایک مہنگا نمونہ ہو سکتے ہیں… . یا یہ مختلف سائز کے سائیکل کے حلقے بھی ہو سکتے ہیں جن کی صفائی وغیرہ کر کے انہیں دیوار پر لگایا گيا ہو۔ کیا آپ نے یہ سوچا تھا؟ چیزوں کو دوبارہ استعمال میں لانا نہایت مزے دار کام ہے کیوں کہ یہ نئے چہرے کے ساتھ ایک نئی زندگی بھی دیتا ہے۔ اس کے علاوہ اس قسم کی سجاوٹ آپ کے بارے میں بہت کچھ بتاتی ہے، تو یہ ناممکن ہے کہ آپ کا گھر آپ کی عکاسی نہ کرے۔

اپنے آلات موسیقی کو فن پاروں میں تبدیل کریں

homify Ruang Keluarga Modern

پچھلی تجویز کو جاری رکھتے ہوئے، اگر آپ کوئی آلہ موسیقی بجاتے ہیں یا آپ کو اپنے گٹار سے نت نئی دھنیں بکھیرنا پسند ہے تو اپنی زندگی کے اس عنصر کو گھر کی سجاوٹ میں لے آئیں۔ آلات موسیقی دکھانے کی ایک اعلی جگہ لاؤنج ہے، کیوں کہ اس طرح آپ اتنے دوستوں کے سامنے اپنے ہنر کا مظاہرہ کرنے کے لیے ہمہ وقت تیار رہیں گے۔

وینائل کی سجاوٹ

وینائل کی سجاوٹ بہت سے رنگوں اور شکلوں میں دستیاب ہے۔ آپ بہت سارے ڈیزائنز میں سے تصویریں اور قول چن سکتے ہیں۔ آج کل یہ مارکیٹ میں چھائے ہوئے ہیں اور آپ یہ لوازمات سستے داموں حاصل کر سکتے ہیں۔ انہیں کچن، لاؤنج، خواب گاہ یا باتھ روم میں استعمال کریں اور نتیجہ ہمیشہ شاندار رہے گا۔

تکیوں اور فریم کا ایک جیسا کپڑا

کیا آپ اپنی میز یا لاؤنج میں رکھی کرسیوں پر کور چڑھانا چاہتے ہیں؟ اچھی بات ہے۔ تو اسی کپڑے کو اپنی خواب گاہ میں سجاوٹی تکیے یا فریم کر کے دیوار پر لٹکانے کے لیے استعمال کریں۔ ایک طرح کی دو سے تین چیزوں کا استعمال کریں تا کہ سجاوٹ ہم آہنگ لگے۔

رنگین دیوار

homify Ruang Keluarga Gaya Mediteran

ایک دیوار پر رنگ کرنے کا نتیجہ خاصا متاثر کن ہوتا ہے، چاہے وہ کتنی ہی بڑی یا چھوٹی ہو۔ اور یہ شاندار ہے کیوں کہ اس طرح بہت سے آرائشی سامان کے بغیر ہی جگہ سج جاتی ہے۔ آپ کمرے کے ایک حصے پر رنگ کر کے آسانی سے اپنی پسند کی زندگی حاصل کر سکتے ہیں۔ کتنا آسان ہے نا۔

مختلف عناصر یا بڑے بڑے آئینے

ہمیں گھر میں آئینوں کی طاقت کا اندازہ پہلے سے ہے۔ اگر آپ کو یہ پسند ہیں تو کیوں نہ سجاوٹ کے لیے ان کا استعمال کیا جائے؟  آپ ماضی میں واپس جا کر پلیٹیں بھی لٹکا سکتے ہیں جیسا کہ آپ کے ماں باپ یا دادا دادی کیا کرتے تھے۔ ایک اور چیز جو بہت اچھی لگتی ہے وہ دیوار پر لگے خالی فریم ہیں۔ کیا آپ نے کبھی ان کا تجربہ کیا؟

ہیڈ بورڈ کے طور پر سکرین

homify Kamar Tidur Gaya Mediteran

یاد کریں وہ شاندار سکرین جسے حاصل کرنے کے لیے آپ ایک مہینے سے بے تاب ہیں مگر خرید نہیں پا رہے کیوں کہ آپ کے پاس اسے رکھنے کے لیے کوئی جگہ نہیں ہے؟ اسے اٹھائیں اور گھر لے آئیں۔ اسے رکھنے کی بہترین جگہ بستر اور اس کا کنارا ہے تو اس کے لیے گھر بنائیں۔

ایک سادہ شامیانہ

خاص کر خواب گاہوں کے لیے: چار چوبہ بستر۔ کیسے؟ بستر کے اوپر پکے لگائے گئے لکڑی کے تختے اور اثر لانے کے لیے ایک باریک ریشمی جالی کا کپڑا۔ آسان اور سستا اب ناممکن نہیں۔

تازہ پھول خریدیں

homify Kamar Tidur Modern Lighting

تازہ پھول ماحول کو خوبصورت اور خوشبودار بناتے ہیں۔ اور یہ مہنگے بھی نہیں ہوتے۔ زیادہ دن زندہ رہنے والے پھول چنیں، یہ کئی دنوں کے لیے ایک آسان اور سستی سجاوٹ کا کام دیں گے۔

فالتو تولیے ترتیب دیں

homify Kamar Mandi Modern MDF

اور چونکہ آپ کا باتھ روم بھی توجہ کا مستحق ہے، تولیوں کو اچھی طرح فولڈ کر کے ترتیب دیں تا کہ یہ کمرہ پرآسائش ہوٹلوں جیسا لگے۔

تصویریں یا مفت پوسٹ کارڈ

کیا آپ نے کبھی ریستورانوں کے باہر مفت ملنے والے شاندار پوسٹ کارڈز پر توجہ دی؟ اگر آپ انہیں جمع کرتے ہیں تو کیوں نہ گھر کی ایک دیوار کو ان سے بھرا جائے؟ آخری نتیجہ منفرد ہو گا۔ اور آپ ان کے درمیان تصاویر بھی لگا سکتے ہیں (یا ان کے ساتھ بھی یہی کام کر سکتے ہیں)۔

مزید جانئے: ۷ عام غلطیاں جن کی وجہ سے آپ کا گھر بے ترتیب لگتا ہے اور ان کے حل۔

Butuh bantuan dengan projek Anda?
Hubungi kami!

Sorotan dari majalah